Drejtoresha e INSTAT, Elsa Dhuli njoftoi se publikimi i të dhënave të Censusit është shtyrë me disa ditë. Pra nuk do të nxirren të dhënat në 19 Qershor por do të shtyhen edhe disa ditë. Deputeti i PD-së, Edmond Spaho u shpreh se numri i shqiptarëve është nën 1.7 mln banorë dhe se sipas tij këtu fshihet kleçka.
“Pse është shtyrë Cens-i, ka pretendime që numri i shqiptarëve është nën 1.7 mln banorë dhe kjo është arsyeja pse është shtyrë censi? Cens-in këtë herë e keni bërë online dhe të dhënat duhet të dilnin në një kohë rekord, edhe KE ju ka kërkuar të publikoni të dhënat në kohë. Ju nuk e zbatuat dhe vazhdoni ta shtyni publikimin e të dhënave. Më kanë ardhur anketues dy herë në shtëpinë time, dhe më thanë që ju kanë dalë të dhënat e ulëta dhe po bëjnë ri-regjistrim”, tha Spaho.
