Kryetari i Bashkimit Demokratik për Integrim, Ali Ahmeti akuzoi partitë politike shqiptare që do të jenë pjesë e qeverisë së ardhshme të Maqedonisë së Veriut.
Ai tha se partia që do të qeverisë Shkupin, VMRO-DPMNE, ka bërë vazhdimisht fushatë kundër shqiptarëve dhe ka premtuar zhbërjen e lirive të fituara.
Në këtë kontekst, Ali Ahmeti paralajmëroi Kristjan Mickoskin drejtpërdrejtë, duke thënë se shqiptarëve nuk u dridhet qerpiku përballë tij dhe do ta mbrojnë marrëveshjen e Ohrit.
“Këtu është rënduar thellë marrëveshja e Ohrit, e cila duhet të lexohet në frymë. Ajo i sanksionon këto çështje, por nuk lexohet njësoj nga të gjithë personat politikë apo publikë. Ne nuk lejojmë që në frymë kjo marrëveshje as të cenohet dhe as lëndohet dhe tërësisht jemi të mobilizuar në mbrojtje të legjitimitetit”, tha Ahmeti.
