Ditën e sotme Ministri i Brendshëm Taulant Balla ka zhvilluar një takim me Drejtorin e Agjencisë së Bashkimit Europian kundër drogës Alexis Goosdeel.
Gjatë takimit në Ministrinë e Brendshme ata folën mbi rëndësinë e përmirësimit të kuadrit ligjor në përballjen me drogat dhe për hartimin e projekteve të përbashkëta.
“EMCDDA po mbështet Shqipërinë ngritjen e Observatorit Kombëtar të Drogave dhe Sistemit të Paralajmërimit të Hershëm”, tha Balla.
Ndërkohë janë arrestuar rreth 1242 persona të cilët shpërndajnë lëndë narkotike nëpër shkolla dhe komunitete të tjera. Ndërsa gjatë muajit maj janë asgjësuar mbi 42 mijë bimë narkotike.
