Policia e Kosovës po interviston gruan e Milan Radoiçiç i cili është organizatori i sulmit në Banjskë.
Veton Elshani ka konfirmuar se ditën e sotme gruaja e tij po merret në pyetje nga Krimet Ekonomike të Prishtinës, në stacionin policor në veri.
“Konfirmojmë se në Mitrovicë të Veriut është duke u intervistuar ky person në prani të avokatit me ftesë të Krimeve Ekonomike në Prishtinë”, ka thënë Elshani.
Policia e Kosovës kishte bastisur dhe sekuestruar pronat e Radoiçiçit në veri disa ditë pas sulmit në Banjskë më 24 shtator.
Radoiçiçi kishte pranuar se ka organizuar sulmin paramilitar serb në Banjskë të Zveçanit, ku u vra rreshteri Afrim Bunjaku. Ishte ndaluar në Serbi, por menjëherë u la i lirë. Është në listën e të kërkuarve nga INTERPOL-i.
