Ish-banorja e Big Brother Vip Françeska Murati ka treguar se shtatorin e këtij viti do të kurorëzojë me një dasmë martesën e saj disa vjeçare me Ergysin, nga e cila çifti kanë edhe një djalë Charli.
Françeska së fundmi ka qenë e ftuar në emisionin “Se Luan Topi”, ku zbuloi se dasma e saj do të jetë tradicionale dhe shumë e madhe.
“Kemi tentuar 3 vite që të bëjmë dasmë por covidi çdo vit na e shtynte. Në shtator dëshirojmë që të bëjmë një dasmë të madhe, të festojmë. Unë kam shumë dëshirë që të bëhem nuse dhe dua që të bëj një dasmë të madhe tradicionale shqiptare që të festoj me të gjithë njerëzit e mi të dashur dhe djalin tonë që e kemi të vogël”, tha Françeska.
Modelja tha se 2 fustane i ka blerë 3 vite më parë, ndërsa tani do të marrë edhe një tjetër.
“Unë për nuse jam te stilet klasike dhe britanike. Do të jetë diçka saten, shumë i thjeshtë me një çikë tyl, stili i Kate Middleton”, tha ajo.
