Organizata Botërore e Shëndetësisë ka lëshuar një paralajmërim global se po qarkullon nëpër botë “Ozempic” fals.
“Ozempic” është ilaç që përdoret për trajtimin e diabetit të Tipit-2, por së fundi është bërë mënyrë e popullarizuar për humbje të peshës. OBSH-ka ka thënë se ilaçi fals mund të përbëjë rrezik për shëndetin.
Përbërësi aktiv në Ozempic semaglutide ndihmon njerëzit me diabet të Tipit-2 të kontrollojnë sasinë e sheqerit në gjakun e tyre.
Megjithatë marrja e një injeksioni në javë po ashtu i dërgon sinjal trurit se jemi të ngopur. Pra ilaçi i ndihmon njerëzit të humbin peshë duke reduktuar dëshirën për të ngrënë.
Kjo ka shkaktuar mungesa të ilaçit për personat me diabet të tipit-2 dhe ka krijuar një treg për barna të falsifikuara.