Një 36-vjeçar shqiptar i dehur ka përplasur ditën e djeshme një makinë “Golf” ku për pasojë dëmtojë 2 të mitura.
Ditën e sotme ai është arrestuar nga policia e Tiranës.
“Specialistët e Komisariatit të Policisë Rrugore Tiranë arrestuan shtetasin: 36 vjeç, banues në Tiranë, pasi ditën e djeshme, në “Mullet”, duke drejtuar në gjendje të dehur automjetin tip “Benz”, është përplasur me automjetin tip “Golf”, me drejtues shtetasin 42 vjeç. Si pasojë janë dëmtuar dy pasagjeret që ndodheshin në automjetin tip “Golf”, 10 dhe 15 vjeçe, të cilat ndodhen jashtë rrezikut për jetën”, thuhet në njoftimin e policisë.
Ndërkohë, materialet i kaluan Prokurorisë.
