Kryeministri holandez, Mark Rutte reagoi për herë të parë pasi u emërua Sekretar i Përgjithshëm i NATO-s.
Në një postim në rrjetet sociale ai u shpreh se “Aleanca është dhe do të mbetet gur themeli i sigurisë sonë kolektive”.
Rutte gjithashtu u shpreh se udhëheqja e kësaj organizate është një përgjegjësi që nuk mund ta marrësh lehtë.
I ndalur tek paraardhësi i tij, Jens Stoltenberg, Rutte shprehet se ai i ka dhënë NATO-s një lidership të jashtëzakonshëm gjatë 10 viteve të fundit.
Reagimi i plotë:
Është një nder i jashtëzakonshëm të emërohem Sekretar i Përgjithshëm i NATO-s. Aleanca është dhe do të mbetet gur themeli i sigurisë sonë kolektive. Udhëheqja e kësaj organizate është një përgjegjësi që nuk e marr lehtë.
Unë u jam mirënjohës të gjithë aleatëve për besimin e tyre tek unë. Pres me padurim të marr pozicionin me energji të madhe në tetor, si pasardhës i tij Jens Stoltenberg, i cili i ka dhënë NATO-s një lidership të jashtëzakonshëm gjatë 10 viteve të fundit dhe për të cilin gjithmonë kam pasur një admirim të madh.
