Regjisorii mirënjohur Pirro Milkani ka shprehur ngushëllimet e tij për humbjen nga jeta të shkrimtarit të madh Ismail Kadare.
Milkani i cili ndodhet në Pogradec ka ngushëlluar familjarët e të ndjerit dhe theksoi se vitin tjetër edicioni i 15-të i festivalit të kulinarisë dhe filmit do t’i kushtohet krijimtarisë së Kadaresë.
‘Stafi organizatori të festivalit të Kulinarisë dhe Filmit në Pogradec shpreh ngushëllimet e thella dhe të sinqerta për humbjen e shkrimtarit tonë të madh Ismail Kadare. Ky staf është themeluar para 14 vjetësh nga Fatos Baxhaku, Eno Milkani, Gerta Qyrko dhe po funksionon nga viti në vit më mirë. Vitin e ardhshëm, në edicionin e 15-të do të ketë ditë që do i kushtohen veprës kinematografike në thelb të së cilës është krijimtaria letrare e Ismail Kadares, i cili ka dhënë një kontribut të shkëlqyer me veprat e tija. Edhe një herë shprehim familjes Kadare ngushëllimet tona të sinqerta.’, shprehet Pirro Milkani.