Gjenerali Sandër Lleshaj foli për ndarjen nga jeta të shkrimtarit Ismail Kadare. Në emisionin ‘5 pyetjet me Babaramon’, Lleshaj u shpreh se Kadare i shërbeu mendimit shqiptar.
‘Besoj se të flasim si shkrimtar, duhet të flasim për Kadarenë si mendimtar. Shërbimi ndaj gjuhës i jashtëzakonshëm. Në radhë të parë i ka bërë shërbim mendimit. Është një mendimtar i madh i mendimit, i rrallë pa të cilin nuk di si do dukej, të përfytyronim si do dukej mendimi shqiptar pa të, bibiliotekat shqiptare pa të, mendjet tona pa të, formimi jonë. Do ishte e gjymtë. U bë mbrojtësi i vokacionit europian të shqiptarëve. Ka shqiptarë që ky vokacion u rri ngushtë. Ka formuluar një mendim shqiptar. Ka formuluar një zë shqiptar që e ka vendosur në mes të mendimtarëve të planetit. Jo rastësisht e kanë mediat e botës lajm Kadarenë. Shërbimi më i madh Shqipërisë, përpjekja e tij e madhe për ta vendosur mes temave të mëdha Shqipërinë dhe shqiptarët’, tha Sandër Lleshaj.
