Deputetja e Partisë Demokratike, Jorida Tabaku, në një postim në rrjetet sociale, ka shprehur shqetësimin e saj për rënien ekonomike të sektorit të industrisë dhe bujqësisë në Shqipëri. Sipas Tabakut, kjo rënie tregon dështimin e modelit ekonomik të socialistëve, duke prekur të ardhurat e familjeve shqiptare dhe taksuar shtresën e mesme.
“Kriza e ekonomisë shqiptare është në fakt kriza e familjeve shqiptare, është kriza e shtresës së mesme dhe është kriza e kujtdo që sot punon punë të ndershme e nuk ja del dot,” shkroi Tabaku.
Ajo theksoi se kriza e industrisë rrezikon të ardhurat e 175 mijë familjeve që punojnë në fasoneri, duke qenë pasojë e informalitetit dhe një modeli ekonomik të dështuar.
