Petro Gjikuria kandidati i opozitës për kryetar bashkie në Himarë ka nisur fushatën elektorale.
Gjikuria po zhvillon prezantimin me banorët e zonës është Himara fshat.
Në fjalën e tij para mbështetëseve ai e cilësoi të sotmen një ditë historike.
“Sot Himara ka eurodeputetin e saj, erdhi momenti që të ketë edhe kreun e bashkisë. Për këtë shpalla edhe kandidaturën dhe ftova të gjitha partitë politike të mbështesin këtë kandidaturë. Për 12 vite patëm një kryetar bashkie partiak i punësuar i qeverisë që shpenzoi shumë kohë për të bërë shumë pak”, shprehet Gjikuria.
Ai tha se e do Himarën dhe nuk ka kohë për të humbur pasi duhet të përparojë.
“Unë e dua Himarën, bashkia Himarë nuk ka më kohë për të humbur, një vend i tillë i bekuar ka mbetur pas ndërsa bota përparon, sot nuk është e denjë të vazhdojë kështu. Mora përsipër të marr një hap, të shpall kandidaturën time për kryebashkiak të Himarës, të ecim së bashku përpara për të nesërmen e Himarës”, theksoi Gjikuria.
