Kreu i Demokratëve Euroatlantikë Lulzim Basha me anë të një postimi në X ka uruar Ursula Von der Leyen për zgjedhjen e saj për herë të dytë në krye të Komisionit Europian.
Basha shkruan se udhëheqja e fortë, vizioni dhe vendosmëria e saj janë përbërës që nevojiten për të çuar përpara familjen evropiane me bindje dhe besim në momente vendimtare për të ardhmen e kontinentit dhe botës.
“Vlerat që qëndrojnë në themel të familjes së madhe PPE janë busulla që e mban këtë Union të madh dhe të bashkuar në rrugën e duhur”, shprehet Basha.
Ai theksoi se si shqiptarë ndihemi pjesë e kësaj familjeje të madhe vlerash dhe duhet të bëjmë gjithçka për tu bërë pjesë e saj.
