Është finalizuar operacioni “Flames 2” ku u zbulua djegia e lokalit në fshatin Nartë, ngjarje e cila fillimisht u raportua si aksidentale.
Në pranga ka rënë 50-vjeçari që dyshohet se ndezi zjarrin në lokalin e bashkëshortes së tij, i cili më pas u përhap në 3 garazhe ngjitur.
Nga veprimet hetimore dyshohet se 50-vjeçari, për motive të dobëta, i ka vënë zjarrin lokalit që administron bashkëshortja e tij, me të cilën është në proces divorci. Nga përhapja e flakëve u dogjën edhe 3 garazhe të shtetasit ku ai mbante 1 automjet, 3 motora, arka plastike dhe produkte ushqimore.
