Një shqiptar i cili ishte i kërkuar nga Interpol Tirana për armëmbajtje pa leje ka rënë në pranga në Ibiza të Spanjës.
Shqiptari Leonard Luzi dyshohet se kishte udhëtuar drejt Spanjës për të kryer vrasjen e një tjetër shqiptari.
Sipas raportimeve ai ishte anëtar i një organizate kriminale që ka kryer krime të rënda dhe roli i tij ishte rekrutimi dhe instruktimi i anëtarëve të organizatës për të kryer vrasje.
Arrestimi i tij erdhi si pasojë e një informacioni të mbërritur nga autoritetet spanjolle për vrasjen e një shqiptari.
Ai ishte në lidhje direkte me financuesit dhe do transmetonte urdhrin për kryerjen e vrasjes njëkohësisht me kryerjen e pagesës.
