Policia e Milanos ka zbuluar një laborator për prodhimin e kokainës në një apartament në Lentate dhe ka arrestuar tre shqiptarë. Të arrestuarit janë 29, 40 dhe 51 vjeç dhe akuzohen për aktivitet kriminal lidhur me kokainën.
Gjatë kontrolleve, u gjetën dy pistoleta gjysmë automatike dhe pajisje për përpunimin e kokainës në bodrum dhe dhoma të tjera të apartamentit. 29-vjeçari u arrestua më 15 korrik dhe hetimet më pas zbuluan laboratorin dhe dy të arrestuarit e tjerë.
Të arrestuarit janë dërguar në burgun e Monzës dhe hetimet vazhdojnë për të zbardhur detajet e aktivitetit të paligjshëm.