Në plazhin e Velipojës, një 23-vjeçar është gjobitur me 1 milion lekë të vjetra për manovra të rrezikshme me Jet Ski që kërcënuan sigurinë e pushuesve.
Më 19 korrik 2024, gjatë një kontrolli të rregullt nga Shërbimet e Policisë Kufitare Shkodër dhe Njësia Policore Detare, u vërejt një Jet Ski që po kryente manovra të rrezikshme pranë plazhit. Drejtuesi i mjetit, B. B., ishte identifikuar dhe gjobitur me 100,000 lekë të rinj (1 milion lekë të vjetër) për shkelje të rregullave të sigurisë.
Po ashtu, Jet Ski u bllokua për mungesë dokumentacioni të nevojshëm për operimin e tij. Policia apelon për të gjithë përdoruesit e mjeteve lundruese që të respektojnë rregullat e sigurisë për të mbrojtur jetën e pushuesve në plazhe.
