Reperi i njohur Noizy ka befasuar me deklaratat e tij në podkastin “Zë me Mirën,” ku ka shpërndarë mendime të papritura rreth muzikës dhe literaturës. Në bisedën e tij me Mira Kazhanin, Noizy tregoi se nuk ka njohuri për këngëtaren Celine Dion dhe se nuk e njeh asnjë artist të ngjashëm me të.
“Muzikën po. Jo s’ka shanse shumë si puna e asaj nuk i njoh” – tha ai në intervistë.
Sa i përket librave, Noizy tha se “nuk i lexon, sepse i sheh si të mërzitshëm” dhe shpjegoi se është më i interesuar për fjalët e urta si burim frymëzimi për krijimtarinë e tij.
Përveç këtyre deklaratave, Noizy ndau mendimin se ai është i fokusuar në muzikë dhe ndjehet më i lidhur me kulturën e tij shqiptare përmes fjalëve të urta dhe përvojave personale, në vend të leximit të librave.
