Një incident i rëndë ka ndodhur në Lezhë, ku pas një sherrit për motive xhelozie në një lokal në plazhin e Tales, është arrestuar Ermir Lucaj, 30 vjeç. Ai dyshohet se ka plagosur me armë zjarri Alfred Markun, 27 vjeç, i cili ndodhet jashtë rrezikut për jetën.
Autoritetet policore kanë sekuestruar një pistoletë dhe një automjet Audi, të cilat dyshohet se janë përdorur gjatë ngjarjes. Ermir Lucaj është arrestuar në flagrancë pasi u largua nga vendi i ngjarjes.
Materialet procedurale do t’i kalohen Prokurorisë për veprime të mëtejshme, duke përfshirë akuzat për “Plagosje e rëndë me dashje” dhe “Prodhim dhe mbajtje pa leje e armëve luftarake dhe e municionit”.
