Aleksandar Vuçiq, presidenti i Serbisë, komentoi vendimin e Joe Biden për të mos kandiduar përsëri në zgjedhjet presidenciale të SHBA-së në nëntor, duke parashikuar një zhvillim të ri në fushatën zgjedhore.
Duke folur për tërheqjen e Bidenit, Vuçiq tha se “para dy ditësh tha se pikërisht kështu do të ndodhë”.
“Kam biseduar me njerëz në Londër dhe Amerikë. Do t’ju them një sekret, Kamala Harris nuk do të kishte një shans të madh kundër Donald Trump, por do të jetë një nga lojërat më të pasigurta. Mendoj se është një vendim i mençur në selinë e demokratëve për t’u përfshirë në fushatën e Michelle Obama-s. Më saktësisht, kandidatja do të jetë Kamala Harris, dhe Michelle Obama do ta bartë atë dhe kalimin e popullaritetit të saj tek Kamala Harris,” tha Vuçiq.
Ai vazhdoi të shtojë se Kamala Harris “nuk ka atë lloj emocioni dhe karizmi që mund të fitojë shumicën kundër Trump, por Michelle Obama e ka”.
“Është pjesë e marrëveshjes që është bërë, po ju informoj se e di, jo se jam psikik. Do ta shihni rolin e saj të madh në këtë fushatë dhe kjo do t’i bëjë këto zgjedhje jashtëzakonisht interesante,” shtoi Vuçiq.
