Ministrja e drejtësisë në Kosovë Albulena Haxhiu u thirr për të dytën ditë radhazi nga Prokuroria Speciale.
Albulena Haxhiu tha se është pyetur në lidhje me deklaratat e saja për arratisjet e fundit nga burgjet e Kosovës dhe se mund të thirret nga prokuroria si e dyshuar.
“Më habit fakti që Prokuroria zgjohet pas reagimit tim në rrjetin social Facebook sepse është dashtë të jetë vigjilente në vazhdimësi për tendencat e Serbisë për ta destabilizuar Kosovën dhe rajonin. Po ashtu, sulmeve të vazhdueshme terroriste siç ishte rasti i Basnjkës dhe sulmi në Ujman”, tha Haxhiu.
Më pas ajo u shpreh se prokuroria speciale po mundohet që ti pengojë punën.
“Ju lutem hyni dhe shihni nëse kam përmendur ndikimin e Serbisë në burgjet e Kosovës. Kjo nuk qëndron. Kjo është shpifje dhe thashetheme. Unë asnjëherë nuk kam thënë se Serbia ka ndikim në burgjet e Kosovës. Këtë e ka thënë PDK-ja dhe ca analistë të cilët qëllimshëm kanë mashtruar opinionin”, tha ministrja e drejtësisë.
