Ministri i Brendshëm Taulant Balla së bashku me Kryetarin e Bashkisë së Kavajës po ndjekin nga afër operacionin për vënien në kontroll të zjarrit.
Në zonën e Kavajës shërbimet zjarrfikëse, AKMC dhe forcat e armatosura po vijojnë përpjekjet nga toka dhe ajri.
“Jemi në një situatë zjarri, ku kemi mbrojtur shtëpitë në pjesën veriore. Zjarri ka perimetër të madh, mbi 10 ha. Kemi angazhuar rreth 50 forca zjarrfikëse, veç Kavajës dhe nga Tirana, Kamza, Lushnja, Durrësi që po vijojnë punën. Fatmirësisht nuk kemi persona apo zjarrfikës të lënduar. Era në disa raste ka favorizuar flakët’, informoi Drejtori i Përgjithshëm i MZSH-së, Arben Cara.
