Kryeministri Edi Rama në fjalën e tij në Kongresin e PS tha se së bashku me opozitën do të duhet të jenë në Bruksel për të vulosur fatin e përpjekjes shqiptare.
“Fuqizimi i mëtejshëm i PS në këtë fazë vendimtare për vendin tonë dhe për cilësinë e veçantë që duhet të ketë ligjbërja në mandatin e katërt do të jemi çdo ditë ballë përballë me palën tjetër në Bruksel për të arritur të vulosim fundin e përpjekjes shqiptare për ta parë diellin të lindë andej nga perëndon”, tha kryeministri.
“Në 2013-ën ngritëm makinerinë elektorale që nuk ka njohur asnjë humbje. Dua që në betejën e 10 të radhës, PS të marrë notën 10 me rezultatin. Dua të jetë jo një fitore e PS jo aritmikisht. Ne ata i kemi në letër përballë, por në realitet ku janë? Nuk është ky thelbi, por një fitore politikisht të madhe në raport me vetveten. Dua që fitorja e ardhshme të jetë ku shqiptarët të shikojnë ambicien dhe fuqinë e madhe që duhet të mobilizojmë për të ngjitur vendin”, u shpreh kryeministri.
