Ministrja e Drejtësisë Albulena Haxhiu është shprehur se nuk e di pse u ftua nga Prokuroria Speciale në lidhje me përfshirjen e strukturave të pushtetit për arratisjet në Serbi.
Ajo foli për një sërë hipotezash për arratisjen e Faton Hajrizot duke lidhur me minierat e litiumit.
Përshembull për rastin e fundit, kur jemi këtu duhet të kemi parasyshë që rasti që ndodhi, ka ndodhur në prag të nënshkrimit të kontratave për litiumin. Vendi si me thënë ku dyshohet se ka ndodh vrasja e policit serb, është 9 km larg vendit ku planifikohen të ndërtohen minierat. Dhe për të kundërshtuar atë kontratë ka pasë paralajmërim për protesta nga ajo zonë. Në momentin kur ka ndodhë ky rast, ajo zonë ëshë rrethuar komplet. Rrjedhimisht ka pamundësuar që të ketë reagime qyetetare” – nisi shpjegimin e saj të padëgjuar publikisht Haxhiu.
Duke vazhduar me pyetjet, “Pse bash atë ditë, pse në atë zonë, çka ka kërku Faton Hajrizi në atë pjesë?”
Ministrja e Drejtësisë u mor në pyetje për dy ditë rresht me urdhër të Prokurorisë Speciale, në cilësinë e dëshmitarërs pikërisht për shkrimin e saj në Facebook në lidhje me arratisjen e Faton Hajrizit.
Hahxiu me të dalë nga objekti ku u mor në pyetje u shpreh e habitur për atë që ndodhi brenda.
“Është shokuese se njëra nga pyetjet që më është parashtruar sot, ndërlidhet si çka ke menduar ti me ndikimin e Serbisë në burgjet e Kosovës. Kjo është thashethemë, unë asnjëherë nuk kam thënë se Serbia ka ndikim në burgjet e Serbisë. Siç e dini me urdhër të PSRK, dje dhe sot jam intervistuar në një rast që ka të bëjë me një deklaratë timen që nuk e kam thënë për herë të parë, që ndërlidhet me përpjekjen e prokurorëve dhe gjyqtarëve për takime, për favore etj, etj. me ç’rast ne si Qeveri nuk funksionojmë si në të kaluarën por që ne e kemi obligim t’i adresojmë reformat në drejtësi për të cilat ju tashmë e dini se po punojmë në vazhdimësi dhe duket se dikujt po i pengon dhe siç duket Prokuroria Speciale po tenton të më pengojë në punën time me ç’rast e keni parë që çdo deklaratë që unë e kam dhënë, ata menjëherë kanë autorizim policinë për ta marrë deklaratën time”, u shpreh Haxhiu, teksa tregoi edhe për rastin e dytë rreth dekoratës së saj për arratisjet e fundit nga burgjet e Kosovës, të cilat sipas saj janë lehtësuar dhe organizuar nga Serbia. – kishte thënë Haxhiu.
