Drejtoria e Policisë dhe Agjencia e Sigurisë Kombëtare e Malit të Zi kanë shpërndarë një deklaratë të përbashkët, duke mohuar pretendimet e ish-presidentit Milo Gjukanoviç për një atentat të mundshëm ndaj tij.
Sipas njoftimit, informacionet e publikuara në media janë të pasakta dhe nuk ka prova se po përgatitet një atentat. Autoritetet theksuan se shërbimet e huaja të inteligjencës nuk janë burim i këtij informacioni dhe se pretendimet e Gjukanoviçit nuk janë të vërtetuara.
Dy javë më parë, Gjukanoviç kishte paralajmëruar se ishte i informuar për një plan për ta eliminuar fizikisht, por mediat raportuan se ky informacion ishte shpërndarë nga një anëtar i paidentifikuar i shërbimeve të huaja.
