Sali Berisha, kreu i Partisë Demokratike, në një fjalim para protestuesve në Tiranë, ka akuzuar kryeministrin Edi Rama për vjedhje të taksave me modelin 100%.
“Sot qytetarët protestuan kundër një bande kriminale që ka vjedhur me modelin 100% taksat e qytetarëve të Tiranës për veten dhe familjet e tyre. Ky njeri, për pushtetin dhe pasurimin e tij, nuk njeh komb, nuk njeh moral, nuk njeh atdhe, nuk njeh ligj, nuk njeh Kushtetutë. Ky është hajduti më i papërmbajtur, i cili e vodhi këtë vend si asnjë sundimtar tjetër në histori”, tha Berisha
Për më tepër, Berisha po ashtu tha se Rama, pa u bërë kryeministër, ndërtoi sarajet 720 metra të gjata me oborrin park 5 mijë metra katrorë në shkelje flagrante të ligjeve.