Europol ka reaguar pas përfundimit të operacionit të madh të SPAK-ut që solli arrestimin e 15 anëtarëve të një grupi të njohur të krimit të organizuar shqiptar. Operacioni, i njohur si GORGON, u realizua në bashkëpunim me autoritetet belgë, holandeze dhe franceze. Në kuadër të këtij operacioni, janë sekuestruar pasuri të paluajtshme dhe 1 milion euro cash.
Grupi i arrestuar, i strukturur në mënyrë hierarkike dhe me veprimtari ndërkombëtare, dyshohet për vrasje me pagesë, trafik të drogës dhe pastrim të parave përmes transaksioneve komplekse të kriptomonedhave. Hetimet zbuluan se grupi kishte urdhëruar vrasje të disa anëtarëve të grupeve rivale dhe kishte kryer aktivitete kriminale në disa vende, përfshirë Shqipërinë dhe jashtë saj.
Europol, duke ofruar mbështetje përmes Qendrës Evropiane të Krimit të Organizuar të Rënda dhe Qendrës Evropiane të Krimit Kibernetik, ka ndihmuar në zhvillimin dhe analizën e inteligjencës për hetimin. Autoritetet shqiptare, përfshirë SPAK-un dhe Policia e Shtetit, morën pjesë aktive në aksion, duke siguruar mbështetje të rëndësishme gjatë operacionit.
