Në një intervistë për Ekonomia Online, Ramush Haradinaj, kryetar i Aleancës për Ardhmërinë e Kosovës (AAK), ka akuzuar kryeministrin Albin Kurti se është i rekrutuar nga Serbia dhe e ka quajtur përçarës të shqiptarëve në Luginë.
Haradinaj ka kritikuar qeverinë e Kurtit për mos përfshirjen e veteranëve në Pagën Minimale dhe për përfshirjen në zgjedhjet e Maqedonisë së Veriut.
“Të gjitha këto janë agjendë e Kurtit, ai nuk punon për Kosovën për interesat e Kosovës, kam deklaruar se ai është i rekrutuar nga Serbia, ai e kamuflon me një lloj patriotizmi të fitoreve ditore, por ia hup Kosovës fitoret strategjike”, shprehet Haradinaj.
Ai ka shprehur shqetësim për mbështetje të qeverisë që ka lejuar patrullimin e përbashkët të policisë maqedonase dhe serbe, duke theksuar se Kurti po i shërben interesave të Serbisë.
