Ministrja e Arsimit dhe e Sportit, Ogerta Manastirliu, njoftoi sot se Ministria ka dërguar mbi 14 mijë libra tek diaspora për të promovuar mësimin e gjuhës shqipe në mesin e fëmijëve tanë që jetojnë jashtë vendit.
Kjo iniciativë është pjesë e përpjekjeve për të forcuar lidhjet kulturore dhe edukative me komunitetet shqiptare në të gjithë botën. Ministria ka koordinuar me sukses përpjekjet për të siguruar materiale mësimore të nivelit I dhe II, të cilat po dërgohen nga Qendra e Botimeve për Diasporën pranë selive diplomatike shqiptare.
Ky veprim është një hap i rëndësishëm drejt avancimit dhe mbështetjes së dijes dhe identitetit shqiptar për brezat e ardhshëm.
