Shërbimi Korrektues i Kosovës ka pezulluar nga puna dy zyrtarë korrektues pasi një i burgosur është arratisur nga reparti i hematologjisë në Qendrën Klinike Universitare të Kosovës (QKUK).
Sipas njoftimit në Facebook, i burgosuri L.Xh., i akuzuar për veprën penale “Fajde”, është larguar nga reparti rreth orës 06:30 të mëngjesit. Ndërkohë, janë pezulluar dy zyrtarët që ishin të angazhuar me mbikëqyrjen e tij dhe është njoftuar policia.
Shërbimi Korrektues i Kosovës ka nisur hetimet për të zbuluar rrethanat e arratisjes.