Organizata Botërore e Shëndetësisë (OBSH) ka njoftuar se qarkullimi i COVID-19 është rritur në të gjitha vendet dhe ka pasur një “rënie alarmante” në mbulimin e vaksinave.
Maria Van Kerkhove, drejtoresha e OBSH-së për përgatitjen dhe parandalimin e epidemive, tha se pozitiviteti i testeve është mbi 10%, me disa rajone, si Europa, që raporton mbi 20%.
Mbikëqyrja e ujërave të zeza sugjeron një qarkullim të virusit shumë më të lartë se sa raportet aktuale. Kerkhove rekomandoi bashkëadministrimin e vaksinave të COVID-19 dhe gripit sezonal për të rritur mbulimin e vaksinave, veçanërisht për grupet më të rrezikuara.
