Në Serbi, autoritetet kanë arrestuar katër persona të premten mbrëma, të cilët dyshohet se planifikonin të shkaktonin dhunë gjatë një proteste të planifikuar për të shtunën në Beograd.
Ministri i Brendshëm, Ivica Dacic, njoftoi se arrestuarit do të dorëzohen në Prokurori për veprime të mëtejshme. Presidenti serb, Aleksandar Vuçiç, kishte paralajmëruar disa orë përpara arrestimeve se shërbimet e sigurisë ruse kishin informuar për përgatitjet e trazirave masive, me qëllim përmbysjen e udhëheqjes së ligjshme.
Vuçiç theksoi se informacionet ishin marrë përmes kanaleve zyrtare dhe se autoritetet po ndërmerrnin masa për të parandaluar kërcënimet.
