Dorjan Teliti, Koordinatori për Programin Ekonomik në PD, ka denoncuar një rënie të ndjeshme të konsumit turistik në Himarë, e shkaktuar pas largimit të qindra pushtetarëve dhe patronazhistëve pas zgjedhjeve të pjesshme.
Në një status në rrjetet sociale, Teliti ka akuzuar për përgjysmimin e konsumit në restorante dhe markete, duke kërkuar rikthimin e “turistëve” të tillë.
Teliti shkruan se Himara është gati të “firmosë” një peticion për të kërkuar rikthimin e këtyre personave që, sipas tij, ishin një burim i rëndësishëm për ekonominë lokale.
“Duhet zgjidhje, ndaj lideri global dhe kryetari i zgjedhur nga “procesi më demokratik i zgjedhjeve të lira e të ndershme” të reagojnë e ti “japin drejtim” punëve. Koha nuk pret, nga “fitorja në fitore”, shkruan Teliti.
