Tenori Rudin Sata ka mbajtur një fjalim të fuqishëm në protestën që po zhvillohet prej 223 ditësh në mbështetje të liderit të opozitës, Sali Berisha.
Gjatë fjalës së tij, Sata e akuzoi kryeministrin Edi Rama si një “marionetë” dhe theksoi se kombi shqiptar është në rrezik të madh.
“Edi Rama është një marionetë. Kombi shqiptar është në shpërbërje dhe shkatërrim total sepse përveç vjedhjeve, krimi më i madh është se po ikën rinia, gjaku i këtij vatani, energjia e këtij vatani dhe prandaj duhet hequr ky një orë e më parë. Nuk ka kohë më për të humbur. Ta mbajmë njëri tjetrin miqtë e mi. Kam një besim absolut dhe prandaj u ka frikë ai sepse misioni juaj dhe kauza juaj është e shenjtë hyjnore dhe do ketë bekimin e të madhit Zot. O sot o kurrë!”, u shpreh Sata.
