Ministria e Drejtësisë e Kosovës ka refuzuar kërkesën e Serbisë për informacion mbi sulmin në Banjskë të Zveçanit, duke thënë se kërkesa është në kundërshtim me ligjet e Kosovës.
Kosova thekson se vetëm organet gjyqësore të saj kanë juridiksion mbi çështjet që ndodhin brenda territorit të vendit.
Sulmi ndodhi më 24 shtator 2023, kur një grup i armatosur serb sulmoi Policinë e Kosovës, duke lënë të vrarë një zyrtar dhe tre sulmues serbë. Përgjegjësinë për sulmin ka marrë Millan Radoiçiq, i cili besohet të jetë në Serbi. Hetimet në Kosovë po vazhdojnë dhe një aktakuzë pritet të ngrihet para vjeshtës.
Ambasadori amerikan në Kosovë, Jeffrey Hovenier, ka theksuar rëndësinë e ndihmës nga Kosova për ndjekjen penale të Radoiçiqit dhe të tjerëve të përfshirë.
