Hamasi ka denoncuar Kryeministrin izraelit Benjamin Netanyahu për vendosjen e kushteve të reja që po e dëmtojnë arritjen e marrëveshjes për shkëmbimin e të burgosurve.
“Pasi dëgjuam ndërmjetësit për atë që ndodhi në bisedimet në Doha, ne ishim të sigurt se Netanyahu ende po paraqet pengesa për arritjen e një marrëveshjeje”.
Këtë e deklaroi Hamasi në një deklaratë të transmetuar nga mediat.
“Netanyahu po vendos kushte të reja për të sabotuar negociatat, duke përfshirë mbajtjen e kontrollit mbi Korridorin e Filadelfias, Kalimin Rafah dhe Korridorin Netzarim”, pretendon Hamasi, duke shtuar se kërkesat e reja nuk plotësojnë kushtet e tij në lidhje me shkëmbimin e të burgosurve. “Netanyahu mban përgjegjësi të plotë për prishjen e marrëveshjes,” përfundon deklarata.
