Një 36-vjeçar është arrestuar nga Policia e Durrësit dhe një 17-vjeçar është proceduar në gjendje të lirë, pasi dyshohet për dhunën ndaj infermierit të Urgjencës në Spitalin Rajonal të Durrësit.
Shtetasi E. H., 36 vjeç, është kapur në flagrancë dhe është arrestuar për aktin e dhunës ndaj infermierit. Ndërsa, 17-vjeçari është proceduar penalisht për veprat e kryera në bashkëpunim.
Në njoftimin e Policisë gjithashtu bëhet e ditur se janë arrestuar dhe disa individë të tjerë për krime të ndryshme, përfshirë vjedhje dhe kërcënime. Sektori i Qarkullimit Rrugor ka arrestuar një shtetas për drejtim automjeti pa leje drejtimi.
