Një skandal ka ndodhur në futbollin zviceran gjatë ndeshjes së Kupës së Zvicrës mes skuadrave Zug dhe Zurich. Në minutën e 82-të, babai i sulmuesit shqiptar Labinot Bajrami ka gjuajtur me çadër trajnerin holandez Ricardo Moniz. Ngjarja ndodhi pasi trajneri kishte vendosur ta zëvendësonte Bajramin, një veprim që shkaktoi zemërim të madh te babai i lojtarit.
Sipas raportimeve nga mediat zvicerane, babai i Bajramit, i shqetësuar nga zëvendësimi, e ka fyer trajnerin dhe ka hedhur çadrën në drejtim të tij.
Incidenti ka sjellë një ndërprerje të përkohshme të lojës, e më pas ndeshja është rinisur pas diskutimeve mes autoriteteve të klubit, përfshirë presidentin Ancillo Canepa.