Në kuadër të operacionit antidrogë të koduar “Tempulli”, policia e Shkodrës ka arrestuar në flagrancë 3 persona: K. Ç., 25 vjeç, R. Ç., 21 vjeç dhe K. L., 25 vjeç, të gjithë banues në Shkodër.
Gjatë një kontrolli në lagjen “Partizani”, janë sekuestruar doza kanabisi sativa që dyshohet se ata planifikonin ta shpërndanin në qytet. Po ashtu, janë konfiskuar 3 celularë dhe një automjet të cilin e përdornin për shpërndarjen e drogës.
Materialet janë dërguar në Prokurorinë e Shkodrës për procedura të mëtejshme.
