Ilir Meta, President i Partisë së Lirisë, ka denoncuar ashpër skandalin e mbetjeve toksike, duke akuzuar qeverinë dhe SPAK-un për mosveprim dhe përfshirje në këtë aferë të rëndë kriminale.
Në një reagim në rrjetet sociale, Meta ka theksuar se ky skandal është një tjetër tregues i dështimit të institucioneve dhe përfshirjes direkte të qeverisë në aktivitete të paligjshme.
“Minimalisht përgjegjësitë ligjore duhet të ishin konstatuar, shkarkimet duhet të ishin kryer dhe arrestimet duhet të ishin realizuar. Përkundrazi, asgjë nuk ka ndodhur!
Mungesa e një reagimi edhe nga SPAK për “krimin e radhës intelektual” të qeverisë së inceneratorëve fantazmë, vërteton pisllëkun e madh ku e ka zhytur vendin narko-shteti i Edi Ramës dhe Rama-forma me korrupsionin skizofrenik, që me këtë aferë të radhës po rrezikojnë seriozisht edhe shëndetin dhe jetën e qytetarëve.
Qeveria e inceneratorëve fantazmë meriton të hidhet në koshin e plehrave!”, shprehet Ilir Meta në reagimin e tij përmes rrjeteve sociale.”, shkruan Meta.
