Ervin Salianji, deputet i PD-së, ka kritikuar ashpër gjendjen e sigurisë publike në një postim në rrjetet sociale.
Ai akuzon policinë se, ndërkohë që vrasjet, plagosjet dhe vjedhjet janë në rritje, fokusi i saj kryesor është manipulimi dhe fshehja e krimeve.
Salianji pretendon se policia është e politizuar dhe më shumë se ndihmës ndaj qytetarëve, ajo i shërben bandave dhe kriminelëve.
“Parandalim as që bëhet fjalë por policia nuk kap dot as kriminelët ordinerë, oligarkët e krimit ndërkohë emërojnë drejtuesit dhe caktojnë shefat e policisë!
Vetëm çlirimi i policisë nga prangat e krimit dhe rikthimi i saj në shinat e ligjshmërisë rikthen besimin tek punonjësit e policisë dhe e kthen policinë e shtetit në shërbim të interesave të qytetarëve dhe jo në interesa të bandave!
Ndërkohë që krimi ka marrë dhenë në rrugë ministri i brendshëm as dihet ku është fshehur!”, shprehet Salianji.
