Frederik Radi, 68 vjeç, u gjet i vrarë në dhomën e gjumit në fshatin Orosh të Mirditës mëngjesin e 20 gushtit.
Policia dyshon se ai është qëlluar me armë nga dritarja e banesës dhe hetimet për zbardhjen e rastit janë në vazhdim.
Sipas burimeve ngjarja mund të lidhet me një konflikt të gjatë për kullotat në fshat. Më shumë se katër vjet më parë, Radi kishte pasur mosmarrëveshje me disa banorë të fshatit për përdorimin e kullotave, të cilat ishin shkaktuar nga ndarja e tokës.
Në atë periudhë, ai ishte kërcënuar me armë nga këta banorë, por ngjarja nuk u denoncua dhe u mbyll mes palëve.
