Kryetari i Partisë së Lirisë, Ilir Meta ka reaguar për cështjen e plehrave, ligjin e ri për importin që është hedhur për konsultim por edhe anijet që janë bllokuar në Kinë dhe në Tajlandë, të nisura nga Shqipëria. Për Metën ky është një skandal ndërkombëtar për të cilin do të kërkohet hetim.
“Ka pasur lajme të tilla edhe më parë por u zhdukën. Ky skandal ndërkombëtar që ka plasur, që ka pasur reagime edhe nga shtete të përfshira, sigurisht që duhet të ndiqet urgjentisht.
Do të kërkoj nga deputetët e PL-së që të iniciojnë bashkë me kolegët e tjerë opozitarë, shpresoj të bashkohen edhe deputetë të tjerë të opozitës për të hetuar këtë aferë të tmerrshme, katastrofale që duhet të ketë prioritet turizmin” tha ai.
