Policia Rrugore në Durrës gjatë 10 ditëve të fundit ka proceduar penalisht 20 persona për drejtim të mjetit në gjendje të dehur ose pa leje drejtimi.
Ndërsa ka pezulluar 10 leje drejtimi dhe ka vendosur rreth 642 masa administrative për shkelje të ndryshme, si 250 gjoba për shkelje të kodit rrugor, 80 për parakalim të gabuara, 76 për mosvendosje të rripit dhe mungesë të policisë së sigurimit etj.
Gjithashtu janë vendosur edhe 75 gjoba për parkim të gabuar, 50 për përdorimin e celularit gjatë drejtimit të mjetit, 25 për mosmbajtjen e kaskës mbrojtëse dhe 10 për drejtimin e mjetit nën efektin e alkoolit.
Policia rrugore apelon që të respektohen të gjitha rregullat e qarkullimit në mënyrë që të shmangen e parandalohen aksidentet.
