Zbardhen detaje të reja nga sherri me të plagosur që ndodhi dje te rrethrrotullimi i TEG në Tiranë. Sot policia njoftoi se ka arrestuar 29-vjeçarin Fatjon Dauti dhe ka shpallur në kërkim 3 të tjerë.
Një nga personat e shpallur në kërkim është futbollisti i Laçit Mario Barjamaj. 25 vjeçari është përfshirë në sherr.
Sherri u nxit pas aksidentit me makina luksoze, njëri Audi A8 me targa angleze. Më pas në vendin e ngjarjes erdhën Dauti nga njëri krah dhe Barjamaj në tjetrin duke përfunduar duke u zënë me grushte, shkelma dhe sende të forta.
Sipas Policisë së Tiranës, ka rezultuar se Fatjon Dauti ka pasur armë me vete, e cila është gjetur në vendin e ngjarjes. Gjatë kontrollit fizik atij i është gjetur edhe një sasi kanabisi.
Ndaj tij rëndon akuza e armëmbajtjes pa leje dhe prodhim dhe shitje e lëndëve narkotike. Dy të tjerët në kërkim veç futbollistit janë Adem Noreci 29 vjeç dhe Isuf Lika 24 vjeç.
