Ambasadori amerikan në Kosovë, Jeffrey Hovenier, ka pritur ambasadoren amerikane në Kroaci, Nathalie Rayes, gjatë vizitës së saj të parë në Kosovë.
Në një postim në platformën “X”, Hovenier ka theksuar se përkushtimi i SHBA-së ndaj popullit të Kosovës është më i fortë se kurrë.
“Kënaqësi ta mirëpresim ambasadoren e Shteteve të Bashkuara të Amerikës në Kroaci, Nathalie Rayes në vizitën e saj të parë në Kosovë. Mezi pres ta prezantojmë atë në këtë vend energjik, ku përkushtimi i Shteteve të Bashkuara të Amerikës ndaj popullit të Kosovës është më i fortë se kurrë”, shkroi Hovenier.
