Ministri i Jashtëm Igli Hasani në një konferencë të përbashkët me homologen sllovene Tanja Fajon tha se Shqipëria ka bërë hapa të rëndësishëm në përmbushjen e reformave me qëllim integrimin në BE.
Hasani u shpreh se qeveria shqiptare është e vendosur të përmbushë standartet e larta për anëtarësim.
“Anëtarësimi në BE mbetet prioriteti ynë strategjik. Angazhim i përbashkët për thellimin e mëtejshëm të marrëdhënieve dypalëshe”, tha ministri Hasani.
Më tej ai shtoi se Sllovenia është një avokate e fuqishme për perspektivën tonë evropiane dhe të rajonit.
