Një aksident i rëndë ka ndodhur sot në aksin rrugor Korçë-Maliq, në afërsi të fshatit Çiflig, ku janë përplasur dy automjete.
Nga aksidenti kanë mbetur të lënduar tre pasagjerë që ndodheshin në një nga mjetet e përfshira dhe janë dërguar në spital për ndihmë mjekësore. Sipas informacionit të fundit, ata janë jashtë rrezikut për jetën.
Drejtuesit e automjeteve, të identifikuar si R. A., që drejtonte një Hyundai, dhe G. K., që drejtonte një Honda, janë shoqëruar në komisariat për kryerjen e veprimeve procedurale.
Grupi hetimor është duke punuar për të sqaruar rrethanat e këtij aksidenti.
