Një përleshje e dhunshme në burgun e Domokos në Greqi ka rezultuar në plagosjen e rëndë të një 41-vjeçari shqiptar, i cili është transportuar në Spitalin e Përgjithshëm të Lamisë.
Sipas mediave greke, incidenti ka ndodhur në orën 10:30 të së martës dhe ka përfshirë një 32-vjeçar sirian dhe një 30-vjeçar algjerian që kanë pasur një përplasje fizike me të burgosurin shqiptar.
Gjatë përleshjes, i dyshuari sirian ka përdorur një thikë, ndërsa dy të tjerët kanë shkëmbyer goditje me duar dhe këmbë. Pas ngjarjes, është zbuluar një thikë metalike dhe një thikë e improvizuar gjatë një kontrolli të gjerë nga oficerët e burgut, dhe të gjithë të përfshirë janë arrestuar.
Të arrestuarit akuzohen për shkelje të ligjit për armët dhe lëndime të rrezikshme trupore.
te arrestuarit akuzohen per shkelje te ligjit per armet dhe lendime te rrezikshme trupore
