Kryetarja e Preshevës, Ardita Sinani, ka kritikuar hapur zëvendëskryeministrin serb, Aleksandar Vulin, për krijimin e një “liste të zezë” të individëve të padëshiruar nga qeveria serbe.
Sinani ka denoncuar ndalimet e shpeshta dhe të papritura nga policia kufitare serbe kur kalon kufirin, duke e cilësuar këtë si formë diskriminimi dhe presioni. Ajo ka theksuar se këto veprime janë të orkestruara për të frikësuar ata që mbrojnë të drejtat e shqiptarëve.
Sinani është e vendosur të vazhdojë punën për të drejtat dhe dinjitetin e popullit të saj, pavarësisht këtyre përpjekjeve për përndjekje.
